3D փրինթեր՝ պիցցա «տպելու» համար

Վերջին ժամանակներս շատ արդիական է սննդի թեման, որը տպվում է 3D փրինթերի օգնությամբ: Պարզվում է՝ NASA-ի ղեկավարությունը հաստատել է 3D փրինթերների ստեղծման ֆինանսավորումը, որպեսզի տիեզերագնացները կարողանան պիցցա ուտել տիեզերական տարածությունում:

Այդ նախագծի մշակման համար տրամադրվել է 125 000 դոլար: Դրանով զբաղվելու է Systems & Materials Research Corporation ընկերությունը:

Ընկերության սեփականատեր և ինժեներ մեխանիկ Անջան Քոնթրաքթորն ասում է, որ պիցցայի համար փրինթերը գտնվում է մշակման փուլում: Ընտրվել է պիցցան, որովհետև նրա բաղադրության մեջ առկա բոլոր մթերքները կարող են տպվել մաս-մաս:

Փոշի բաղադրատարրերը կգտնվեն հատուկ տարայում և կհասնեն փրինթերին՝ խառնվելով ջրի կամ յուղի հետ: Սնունդը նման փոշի վիճակում հնարավոր է պահել մինչև 30 տարի: Փորձագետները համարում են, որ 3D տպման տեխնոլոգիաները, որոնք շատ են կիրառվում տիեզերքում, շուտով կարող են օգտագործվել նաև Երկրի վրա:

Հարցեր, պատասխաններ, մեկնաբանություններ